భారీ వర్షాల నేపథ్యంలో కేయూ పరీక్షలు వాయిదా

📰 Generate e-Paper Clip

స్పాట్ వాయిస్, హన్మకొండ :  భారీ వర్షాల నేపథ్యంలో కాకతీయ విశ్వవిద్యాలయం పరిధిలో గురువారం జరగాల్సిన అన్ని పరీక్షలను వాయిదా వేసినట్లు పరీక్షల నియంత్రణ అధికారి ఆచార్య రాజేందర్ కట్ల తెలిపారు. వాయిదా పడిన పరీక్షలను తిరిగి ఎప్పుడు నిర్వహించేది త్వరలో ప్రకటిస్తామని పేర్కొన్నారు. విద్యార్థులు విషయాన్ని గమనించి, పరీక్షల కొత్త తేదీలను తెలుసుకోవాలని సూచించారు. పరీక్షలకు సంబంధించిన తదుపరి వివరాలను విశ్వవిద్యాలయం ద్వారా వెల్లడిస్తామని తెలిపారు.