రూ.3000 వేల కోట్ల ఆస్తి పంపకం..?
* కుటుంబ సభ్యులకు ఇవ్వాలని సల్మాన్ నిర్ణయం..?
*ఆరోగ్య సమస్యల ప్రభావం అని ఫిల్మ్ నగర్ టాక్..
స్పాట్ వాయిస్ , వరంగల్ : బాలీవుడ్ స్టార్ హీరో సల్మాన్ ఖాన్ కు సంబంధించిన ఒక వార్త ప్రస్తుతం సినీ వర్గాల్లో, సోషల్ మీడియాలో చర్చనీయాంశంగా మారింది. సుమారు రూ. 3,000 కోట్లకు పైగా ఉన్న తన ఆస్తిని సోదరులు, సోదరీమణులకు సమానంగా పంచివ్వాలని ఆయన నిర్ణయించుకున్నారన్న ప్రచారం జోరుగా సాగుతోంది.
కుటుంబానికి ఆస్తి పంపకం?
ప్రచారంలో ఉన్న సమాచారం ప్రకారం, సల్మాన్ ఖాన్ తన సోదరులు అర్బాజ్ ఖాన్, సోహైల్ ఖాన్ మరియు సోదరీమణులు అల్విరా, అర్పితలకు ఆస్తిని సమానంగా పంచాలని భావిస్తున్నారని తెలుస్తోంది. భవిష్యత్తులో కుటుంబం ఆర్థికంగా ఎలాంటి ఇబ్బందులు ఎదుర్కొనకుండా ఉండాలనే ఉద్దేశంతో ఈ నిర్ణయం తీసుకున్నట్లు కథనాలు చెబుతున్నాయి.
ఆరోగ్య సమస్యల ప్రభావం
సల్మాన్ ఖాన్ గతంలో ట్రైజెమినల్ న్యూరల్జియా అనే తీవ్రమైన నరాల వ్యాధితో బాధపడ్డారు. ఈ వ్యాధిని “సూసైడ్ డిసీజ్”గా కూడా పిలుస్తారు. ఆ సమయంలో ఆయన ప్రాణాపాయ పరిస్థితులను ఎదుర్కొన్నట్లు పలు సందర్భాల్లో వెల్లడించారు. ఈ అనుభవాల నేపథ్యంలోనే ముందస్తు జాగ్రత్తగా ఈ నిర్ణయం తీసుకున్నారనే ప్రచారం ఉంది.
అధికారికంగా స్పందన లేదు
అయితే, ఈ విషయంపై సల్మాన్ ఖాన్ లేదా ఆయన కుటుంబ సభ్యుల నుంచి ఇప్పటివరకు ఎలాంటి అధికారిక ప్రకటన వెలువడలేదు. దీంతో ఈ వార్త నిజమా కాదా అన్నది ఇంకా స్పష్టతకు రాలేదు.
సెలబ్రిటీల వ్యక్తిగత జీవితాలకు సంబంధించిన వార్తలు తరచుగా సోషల్ మీడియాలో వైరల్ అవుతుంటాయి. సల్మాన్ ఖాన్ ఆస్తి పంపకం అంశం కూడా అలాంటి ప్రచారాల్లో భాగమే కావచ్చని సినీ వర్గాలు అభిప్రాయపడుతున్నాయి. అధికారిక ప్రకటన వెలువడిన తర్వాతే పూర్తి స్పష్టత వచ్చే అవకాశం ఉంది.
