ఐటెమ్ సాంగ్ సంచలనం..
‘పెద్ది’ సినిమాలోని ఒకే పాటలో నలుగురు హీరోయిన్లు?
స్పాట్ వాయిస్, సినిమా : సినిమాల్లో ఐటెమ్ సాంగ్స్కు ఎప్పుడూ ప్రత్యేకమైన క్రేజ్ ఉంటుంది. ముఖ్యంగా స్టార్ హీరోయిన్ చేసే స్పెషల్ సాంగ్ అయితే ఆ సినిమాకే అదనపు హైప్ తీసుకువస్తుంది. కానీ అలాంటి పాట కోసం ఒక హీరోయిన్ను ఒప్పించడం కూడా సినిమా టీమ్కు పెద్ద సవాలే. ఇటీవల ‘పుష్ప: ది రూల్’ సినిమా కోసం ఐటెమ్ సాంగ్ ఎంపికలో టీమ్ పడిన కష్టం ఇండస్ట్రీలో చర్చనీయాంశమైంది. చాలా ప్రయత్నాల తర్వాతే శ్రీలీలను ఫైనల్ చేయగలిగారు.
ఇలాంటి పరిస్థితుల్లో ఇప్పుడు ‘పెద్ది’ సినిమా టీమ్ తీసుకున్న నిర్ణయం టాలీవుడ్లో పెద్ద సంచలనం రేపుతోంది. ఒకే ఐటెమ్ సాంగ్లో నలుగురు హీరోయిన్లను తీసుకురావాలని ప్లాన్ చేస్తున్నారనే వార్త ఫిల్మ్ నగర్లో హాట్ టాపిక్గా మారింది. అవును, ఇది నిజమేనంటూ ఇండస్ట్రీ వర్గాల్లో గుసగుసలు వినిపిస్తున్నాయి.
ఈ సినిమాకు సంబంధించిన ప్రధాన షూటింగ్ ఇప్పటికే పూర్తయిందని సమాచారం. అయితే ఇంకా ఒక ఐటెమ్ సాంగ్ మాత్రం పెండింగ్లో ఉందట. ఈ పాటనే సినిమాకు హైలైట్గా మార్చాలని టీమ్ భావిస్తోంది. అందుకే ఈ పాట కోసం ప్రత్యేకంగా భారీ కాస్టింగ్ ప్లాన్ చేస్తున్నారు.
దర్శకుడు బుచ్చిబాబు సానా ఈ విషయంలో క్లియర్ విజన్తో ఉన్నారని తెలుస్తోంది. కుదిరితే నలుగురు స్టార్ హీరోయిన్లను తీసుకురావాలని, అది సాధ్యం కాకపోతే ఒక స్టార్ హీరోయిన్తో పాటు ముగ్గురు యంగ్ హీరోయిన్లను ఎంపిక చేయాలని ప్లాన్ చేస్తున్నారట. ఈ ఆలోచనే ఇప్పుడు ప్రేక్షకుల్లో ఆసక్తిని పెంచుతోంది.
ఈ ఐటెమ్ సాంగ్ కోసం బాలీవుడ్, టాలీవుడ్ హీరోయిన్ల పేర్లను గత కొన్ని రోజులుగా పరిశీలిస్తున్నారు. అందులో ముఖ్యంగా మృణాల్ ఠాకూర్ పేరు ఎక్కువగా వినిపించింది. ఆమె హైదరాబాద్ వచ్చి టెస్ట్ షూట్ కూడా చేసినట్లు సమాచారం. కానీ ఆ తర్వాత ఆమె మళ్లీ ఈ ప్రాజెక్ట్లో కనిపించలేదు. దీంతో ఇంకా హీరోయిన్ ఎంపిక ఫైనల్ కాలేదని తెలుస్తోంది.
ఇంకా ఈ పాట కోసం మరో ఇంట్రెస్టింగ్ ప్లాన్ కూడా చేస్తున్నారట. ఓ పాత హిట్ సాంగ్ను తీసుకొని, ప్రస్తుత ట్రెండ్కు తగ్గట్టుగా సెమీ రీమిక్స్గా మళ్లీ రూపొందించాలనే ఆలోచనలో ఉన్నారట. ఇలా చేస్తే పాటకు నాస్టాల్జియా ఫీలింగ్తో పాటు కొత్త వైబ్ కూడా వస్తుందని టీమ్ భావిస్తోంది.
అయితే ఈ మొత్తం ప్రక్రియను పూర్తి చేయడానికి టీమ్ వద్ద సమయం చాలా తక్కువగా ఉంది. వచ్చే నెల 30న సినిమా విడుదలకు సిద్ధమవుతున్న నేపథ్యంలో కనీసం రెండు వారాల ప్రమోషన్స్ అవసరం. అదీ కాకుండా ఇతర రాష్ట్రాల్లో కూడా ప్రచారం చేయాల్సి ఉంటుంది. ఇక పోస్ట్ ప్రొడక్షన్ పనులు చివరి వరకు కొనసాగుతూనే ఉంటాయి.
ఈ పరిస్థితుల్లో ఈ నెలాఖరులోగా ఐటెమ్ సాంగ్ షూట్ పూర్తి చేసి, వెంటనే ప్రమోషన్స్ ప్రారంభించాలని ‘పెద్ది’ టీమ్ ప్లాన్ చేస్తోంది. ఒకే పాటలో నలుగురు హీరోయిన్లు కనిపిస్తే అది నిజంగా టాలీవుడ్లో కొత్త ట్రెండ్కు నాంది పలికే అవకాశం ఉంది.
ఇప్పుడు అందరి దృష్టి ఒకటే… ఆ నలుగురు హీరోయిన్లు ఎవరు? ఈ సాంగ్ నిజంగా ఎంత గ్రాండ్గా ఉండబోతుంది? అనే దానిపైనే ఉంది.